Alaaf Vastelaovend-geïnteresseerde,

Dit is de hoompeetsj van Z.O.I.N.Z oftewaal Zootje Ongeregeld is Noëts Zat (en det is iêrlik waor!!). Weej zien eine groep van rongk de 25 veurnamelik Tegelse jungskes en maedjes variërend van ein jaor aad toet diék in de vieftig. De reeje van ôs same zien is hiel eenvoudig: vuël lol en plezeer make met de jaorlikse veurbereidinge op en un fantastiés optraeje in d´n Tegelse vastelaoves-optoch. Ut is iddere kiër wir erg gezellig en daorum doon de meiste van ôs al miër as vieftien jaor mei-j.

Door middel van dees hoompeetsj wille weej uch laote mei-j geniete van ôs belaevenisse. Kiék maar ens nao Un sjtökske historie, waorin wuërt oétgelag wie ZOINZ in 2000 is ontsjtaon oét twieje optochgroepe en waorin vuël fotoos zien te zeen van al die optreejes.

Weej wille gaer op tiëd weite wieniër weej vree môtte plenne um d’n optoch maar neet te hoove misse. Die belaeving drage weej euver op de ‘kleintjes’ oêt ut gezelsjap en zoê garandere weej ut veurtbesjtaon van ZOINZ in De toekoms.

Vervolgens kênt geej laeze Wat weej doon. Vanaaf de 11e van de11e geit ut beginne met ein hoëgtepunt op Optochmaondaag, maar auch in de zomer zien weej aktief……

In De Leeje stelle weej ôs allemaol aan uch veur.

Uch interesse as Vastelaovend-geïnteresseerde geit vas verder as ZOINZ en weej loupe netuurlik auch neet allein d’n optoch. Daorum wet Links nao ôs collega vereiniginge en groepe en informatie euver Vastelaovend in de ruümste zin van ut waord.

Res ôs uch te bedanke veur de interesse en haop ZOINZ uch te kênne ontmoete met dees dreej dolle daag: veur, tiedens of nao d’n optoch of woë en wieniër den auch.....

Verder danke weej Café-Restaurant-Kaegelbane 'De Krômme Schuuver' veur ut mede tot stand bringe van dees sait.

Alaaffffffff, Vastelaovend same,

De leeje van ZOINZ